Su säht mer

Wat mössen die nit all usshalde. Met keinem andere Deer jeit mer so saujrov öm, wie met der Sau. Mer hann de saujemeinste Schängereiwööder met der Sau: „En ahl Sau“ odder „En fuule Sau“, „En decke Sau“, „En domme Sau“, „En dreckelije Sau“, „Säu blieven Säu, och wann se en jolde Kett ömhann“. Wann et Wedder nit metspillt dann heiß et: „Su e Sauwedder“ odder „Su en Saukält“. Un wa’mer en Arbeit hät, die einem nit pass, dann ess dat „en Sauarbeit“. „Saupänz“ odder „Saubiester“ wäden Ströppcher...

„Denn et Heimwih nimmps de met,/ denn Ding Heimat verjiss de nit…“, heiß et en nem Leed vum Hans Knipp, wat et Marita Köllner, et Fussich Julche, esu schön singk. En nem ander Leed heiß et: „Ich muss ens eruss he./ Ich hald et nit uss he…“. Jo, un dann ess mer fott! Mem Scheff nom Nordkap, zom Wandere en de Berch, odder et leevs noh Mallorca. Et jeit dann och en janze Zick lang jot. Ävver dann: Op Mallorca em Sand, et Föttche verbrannt. Nä, wat ess dat en Hetz he! Jetz e lecker Kölsch!! Och...